清明节忆爸爸

清明节忆爸爸
(原创沪语专版)
冯济民

(谢谢侬个关注！本文是《济民说写沪语》公众号发布个第52篇原创沪语文章。点击文头《济民说写沪语公众号》蓝色字即可订阅并进入本公众号选阅各文。每日一篇，天天更新，内容丰富，希望侬欢喜并欢迎转发。)



（勒清明节之际，我深深怀念敬爱个爸爸。转眼爸爸去世已十八年了，但伊个业绩，伊个精神一直为我所铭记。谨以此文寄托对爸爸个思念。）

我至今已写过数勿清个文章，但呒没好好叫写过一篇关于爸爸个。勿是呒没内容写，而是勿晓得哪能落笔。爸爸八十年个人生是一本深邃个书，翻阅每一页侪可以写成一篇文章。我对爸爸始终怀有一种敬畏个感情。

回忆爸爸，就从爸爸个归国证明书写起。


要讲爸爸个归国，先要讲讲爸爸个出国。爸爸从小天资聪敏，读书一直老好。年轻辰光就读于江阴名校“南菁中学”。后考进上海交通大学。1947年毕业于交大机械系。



爸爸于1948年春赴美留学。1949年7月毕业于美国密西根大学研究院，获机械工程硕士学位。正当伊考取哈佛大学准备攻读博士学位辰光，新中国成立了。搭无数爱国知识分子一样，爸爸怀着一颗炽热个报国之心毅然决定中止博士学业，辞去待遇丰厚个工作，回国参加新中国建设。朝鲜战争爆发后，美国政府阻止中国留美学生回国。爸爸搭美国移民当局周旋后转道香港，终于勒1951年春回到了祖国，回到了上海。

爸爸回国后，到当时个华东军政委员会教育部报到。该委员会为爸爸出具了一份证明书。证明书用毛笔繁体字勒公文笺宣纸上书写。题头为“证明书”三个字。正文为：“冯桐笙先生系留美学生，于一九五一年三月返国，特此证明。”出具单位为华东军政委员会教育部并盖有大印。日期为一九五一年四月三日。迭份证明书成了当时爸爸个身份证明。凭着迭份证明书，爸爸进入当时个华东工业部华东汽车制造委员会参加工作。伊怀着满腔热情，为新中国个建设贡献自家个聪明才智。



爸爸是一位资深专家。伊先后勒华东工业部机械工业管理局、第一机械工业部华东机械设计处、第二设计分局、机械工业部第二设计研究院工作，担任专业组组长、科长、主任设计师、副总工程师等职，最后成为教授级高级工程师，终生享受国务院特殊津贴专家。爸爸勒锻压搭热处理方面有较深个造诣，出版有多部专著和译作，还担任中国机械工程学会锻压学会常务理事兼生产工程专业委员会主任委员、上海市机械工程学会锻压组组长、浙江省机械工程学会理事长、国家经委机械工艺专业与协调规划小组顾问。勒国内锻压行业及机械设计系统中具有较高个知名度搭良好个声誉。伊主持个设计项目搭撰写个论文多次获部级搭省级奖。伊晚年从事全面质量管理工作也取得了出色个成绩。



作为交大校友，伊对母校怀有深厚个感情。伊应邀参与学生毕业论文答辩，还担任1946届校友会刊物个编辑，直到逝世前再恋恋不舍个交班。伊为我勿能进入交大深造而感到遗憾，对我儿子考入交大读本科搭研究生而感到欣慰。1998年秋我儿子到交大报到搿日天，伊亲自陪同。虽然已76岁高龄却仍旧跑上跑下奔忙，伊种高兴得溢于言表个情景，至今仍旧记忆犹新。

虽然勒美国曾享受优厚个生活待遇，回国后个生活相对清贫，但爸爸从来呒没对此有丝毫勿满。伊脱下洋装换上中山装，摘下金丝边眼镜换上普通眼镜，以一个普通劳动者个身份深入工厂搭工地。“文革”当中爸爸随单位“支内”到遥远个贵州遵义，生活邪气艰苦，但伊毫无怨言，任劳任怨个长期奔走于千山万水之间。爸爸精通英语、俄语，“文革”后伊曾赴日本、美国、德国访问。伊可以勿用翻译单独外出考察、出席国际会议宣读论文。勒美国，伊会见了当年呒没回国个同学，伊拉侪拥有洋房、别墅、汽车，但爸爸对此呒没丝毫个眼热。搭爸爸相处几十年，勒屋里我从来呒没听到伊一句对生活个不满搭对回国个后悔。勒爸爸身浪，充分体现了中国老一代知识分子伊种报效祖国个赤子之心。



(爸爸抱我勒复兴公园合影)

爸爸对阿拉要求严格，希望阿拉能学业有成，具有真才实学。因受“文革”影响我呒没能进入大学深造，但后来通过自学取得了大专文凭，勒事业上也取得了一定成绩。弟弟只有六八届初中个文化基础，也刻苦攻读取得了本科文凭，获得高级职称。两个孙子成为交大、同济个硕士研究生，从事专业技术工作。爸爸个在天之灵可以感到欣慰。

爸爸个交大毕业文凭搭归国证明书已拨交大校史博物馆复印收藏。伊是老一代知识分子爱国个明证。我要好好珍藏。



作者简介:

冯济民，男，1948年4月生于上海，已经勒上海生活了73年，也讲了73年个上海话。热心致力于上海话个传承搭推广。2012年参加由上海电台搭长宁区文化馆举办个沪语大奖赛，顺利通过预赛、初赛、复赛、决赛，从四百多名参赛选手中进入15强，获得优胜奖。勿但讲沪语，还写沪语。曾经勒上海《新民晚报》沪语专版发表了6篇原创沪语文章。近几年积极参加社会浪各种沪语推广普及活动，已原创或改写了近百篇沪语文章，经上海大学中文系沪语专家丁迪蒙教授修正并推荐，勒沪浪各沪语公众号发表并诵读。也得到沪浪著名沪语专家、上海大学中文系教授钱乃荣个关注、支持搭帮助。